हॉर्मुज तात्काळ खुली करा अन्यथा… ट्रम्प यांची इराणला धमकी.
इराण अमेरिका युद्धादरम्यान इराणसोबत चर्चा सुरू असल्याचा दावा ट्रम्प यांनी केला होता. आता या दरम्यानच त्यांनी पुन्हा एकदा इराणला थेट त्यांचे तेल आणि पॉवर प्लांट उडवून देण्याची धमकी दिली आहे. त्यामुळे आता हे युद्ध आणखी भडकणार असल्याचं दिसत आहे.
अमेरिकेचे राष्ट्राध्यक्ष डोनाल्ड ट्रम्प यांनी त्यांच्या सोशल मीडिया साईट ट्रुथ सोशलवर लिहिले आहे की, अमेरिका आणि इराणमध्ये सैन्य ऑपरेशन संपवण्यासाठी एका योग्य शासनासोबत गंभीर चर्चा सुरू आहे. यामध्ये चांगली प्रगती झाली आहे. मात्र काही कारणांमुळे हा करार झाला नाही. तसेच इराणने हॉर्मुजची समुद्रधुनी ही व्यापारासाठी तात्काळ खुली केली नाही. तर आम्ही इराणमध्ये आमचा मुक्काम संपवताना त्यांचे पॉवर प्लांट, तेल साठे खर्ग द्विप हे उडवून इराण पूर्णतः नष्ट करून टाकू.
तसेच पुढे ट्रम्प म्हणाले की, हे आम्ही आमच्या त्या सैनिकांसाठी आणि इतर लोकांसाठी करत आहोत. ज्यांचा बदला घेणे गरजेचे आहे. ज्यांना इराणच्या 47 वर्षांच्या शासकांनी त्यांना निर्घृणपणे मारले आणि त्यांच्या हत्या केल्या. तसेच अमेरिका आणि इस्त्रायसच्या अधिकाऱ्यांच्या घरांना निशाणा करण्याची धमकी देण्यात आली. असं म्हणत ट्रम्प यांनी एकीकडे ते स्वत: च इराणसोबत चर्चा सुरू असल्याचा दावा करत असताना आता थेट इराणला धमकी दिली.