सांसद संपर्क अभियानात विहिपचा ३७५ हून अधिक खासदारांशी संपर्क.

सांसद संपर्क अभियानात विहिपचा ३७५ हून अधिक खासदारांशी संपर्क.

२८ मार्च २०२६ : विश्व हिंदू परिषदचा १९ दिवसीय सांसद संपर्क अभियान

विश्व हिंदू परिषद (विहिप) यांनी संसदेच्या अर्थसंकल्पीय अधिवेशनादरम्यान राबवलेल्या १९ दिवसीय विशेष सांसद संपर्क अभियान अंतर्गत देशभरातील सुमारे ३७५ हून अधिक खासदारांशी संपर्क साधून हिंदू समाजाशी संबंधित तीन महत्त्वाच्या ज्वलंत विषयांवर चर्चा केली.

विहिपचे केंद्रीय महामंत्री बजरंग लाल बागडा यांनी सांगितले की, देशातील विविध प्रांत, भाषा आणि मत-पंथांमधील सुमारे १७० कार्यकर्त्यांनी या अभियानात सहभाग घेतला. या दरम्यान प्रभावी लोकसंख्या धोरण, तीर्थाटनाचा विकास आणि संविधानाच्या कलम २९ व ३० अंतर्गत अल्पसंख्याकांना मिळणारे विशेष अधिकार हिंदू समाजालाही देण्याबाबत चर्चा करण्यात आली.

तसेच मंदिरांना सरकारी नियंत्रणातून मुक्त करणे, हिंदूंचा पैसा हिंदू हितासाठी वापरणे आणि तीर्थाटनाच्या विकासासाठी संस्कृती मंत्रालयात स्वतंत्र विभाग स्थापन करण्याबाबत सर्व खासदारांशी सविस्तर चर्चा झाली.

बागडा यांनी पुढे सांगितले की, विहिप दरवर्षी संसदेच्या हिवाळी अधिवेशनात सर्व पक्षांच्या खासदारांशी संपर्क साधते. मात्र यंदा हिवाळी अधिवेशनाची कालावधी कमी असल्याने हे अभियान अर्थसंकल्पीय अधिवेशनादरम्यान राबवावे लागले.

या अभियानाद्वारे विहिपचे विविध उपक्रम आणि हिंदू समाज तसेच देशाच्या एकता-अखंडतेशी संबंधित २-३ महत्त्वाच्या मुद्द्यांची माहिती खासदारांना देण्यात आली. या कार्यासाठी देशभरातील विविध प्रांतांतील कार्यकर्ते ३-४ टप्प्यांत दिल्ली येथे जाऊन आपल्या-आपल्या प्रांतातील खासदारांशी संपर्क साधतात.

या वर्षीचे अभियान ९ मार्च ते २७ मार्च दरम्यान पार पडले.

• पहिला टप्पा (९ ते १३ मार्च): केरळ, तामिळनाडू, कर्नाटक, आंध्रप्रदेश, तेलंगणा आणि महाराष्ट्र येथील कार्यकर्त्यांनी एकूण १३९ लोकसभा व राज्यसभा खासदारांशी संपर्क साधला.
• दुसरा टप्पा (१४ ते १९ मार्च): बिहार, झारखंड, राजस्थान, गुजरात, ओडिशा, पश्चिम बंगाल, आसाम, मेघालय, अरुणाचल प्रदेश, त्रिपुरा, मणिपूर आणि नागालँड येथील कार्यकर्त्यांनी १०३ खासदारांशी संपर्क केला.
• तिसरा व अंतिम टप्पा (२० ते २७ मार्च): छत्तीसगड, मध्य प्रदेश, दिल्ली, हरियाणा, हिमाचल प्रदेश, पंजाब, जम्मू-काश्मीर, उत्तर प्रदेश आणि उत्तराखंड येथील कार्यकर्त्यांनी १३३ खासदारांशी संपर्क साधला.

अशा प्रकारे १९ दिवसांत एकूण ३७५ खासदारांशी थेट आणि वैयक्तिक संपर्क साधण्यात आला.

विहिप महामंत्र्यांनी सांगितले की, यंदा या अभियानासाठी खालील तीन प्रमुख विषय निश्चित करण्यात आले होते:

1. लोकसंख्या असंतुलनावर व्यापक राष्ट्रीय विचार करून प्रभावी लोकसंख्या धोरण तयार करणे.
2. भारताच्या आध्यात्मिक जीवनाचे केंद्र असलेल्या तीर्थक्षेत्रांचा विकास, मंदिरांना सरकारी नियंत्रणातून मुक्त करणे आणि संस्कृती मंत्रालयात स्वतंत्र विभाग स्थापन करणे.
3. संविधानातील कलम २९ व ३० सर्व नागरिकांसाठी समानपणे लागू करणे, ज्यामुळे सर्व धर्मांना धार्मिक शिक्षणाचे समान संवैधानिक अधिकार मिळतील; तसेच ‘अल्पसंख्याक’ या संज्ञेची स्पष्ट व्याख्या करण्याची गरज अधोरेखित करणे.

तसेच त्यांनी सांगितले की, या कार्यक्रमासाठी सर्व पक्षांच्या खासदारांकडून भेटीची वेळ मागण्यात आली होती. बहुतेक खासदारांनी या विनंतीला सकारात्मक प्रतिसाद दिला आणि त्यांच्यासोबत अत्यंत उपयुक्त व अर्थपूर्ण चर्चा झाली.

दिल्ली येथे झालेल्या या पत्रकार परिषदेत विहिपचे केंद्रीय मंत्री, विशेष संपर्क प्रमुख व राष्ट्रीय प्रवक्ते श्री. अंबरीष हेही उपस्थित होते.

— विनोद बंसल